वनदेवी विरुद्ध जनकपुर स्पोर्ट्स क्लव २ गोलले विजयी

न्यूज आज

जनकपुरधाम । जनकपुरधामस्थित कभर्डहल परिसरमा आयोजित जिल्ला फुटबल लिग प्रतियोगितामा सीतापुरको वनदेवी युवा क्लवलाई जनकपुर स्पोर्ट्स क्लवले ४–२ गोल अन्तरले पराजित गरेको छ ।

खेलको पहिलो हाफमा चौथो मिनेट खेलिरहँदा जनकपुर स्पोर्ट्सका लागि मनिष रामले खाता खोल्न सफल भएका थिए । त्यसको १९ मिनेट पछि अर्थात् २३ औं मिनेटमा वनदेवीका अंकित सिंहले एक गोल गर्दै खेललाई बराबरीमा ल्याइदिए ।

पहिलो हाफकै ३४ औं मिनेटमा जनकपुर स्पोर्ट्सका मनिषले नै दोस्रो गोल गर्न सफल भए । खेल दोस्रो हाफमा सुरु भएको ११ औं मिनेटमा वनदेवीको तर्फबाट फेरि अंकितले नै दोस्रो गोल गरी पुनः बराबरीमा ल्याउन सफल भए ।

दोस्रो हाफको १४ औं मिनेटमा जनकपुर स्पोर्ट्सका राजेश थापाले तेस्रो र २३ औं मिनेट जाँदा उज्ज्वल लामाले चौथो गोल गरी आफ्नो टिमलाई विजयीको लक्ष्य प्राप्त गर्न योगदान गरे ।

म्यान अफ दि म्याचको उपाधी वनदेवीका अंकित सिंहलाई प्रदान गरियो ।

Facebook Comments Box