गैंडाको आक्रमणबाट टुरगाइड घाइते

न्यूज आज

चितवन । चितवनको सदावहार मध्यवर्ती सामुदायिक वनमा गैंडाले आक्रमण गर्दा एकजना टुरगाइड घाइते भएका छन् ।

पर्यटकलाई जंगल सफारी गराउने क्रममा भरतपुर महानगरपालिका –२७ घर भएका २८ वर्षीय जंगबहादुर माझीलाई गैंडाले आक्रमण गरेको थियो । घाइते माझीको भरतपुर अस्पतालमा उपचार भइरहेको प्रहरीले जनाएको छ ।

चितवनको पर्यटकीय क्षेत्र सौराहा घुम्न आउने पर्यटकलाई स्थानीय होटल तथा टुर्स एजेन्टहरुले जंगल घुम्ने व्यवस्था मिलाउँछन् ।

जीप सफारीको व्यवस्था गरी पर्यटकलाई घुमाउन टुरगाइडले सहजीकरण गरिरहेका हुन्छन् । यस्तै अवस्थामा शनिबार टुरगाइड माझीलाई गैंडाले आक्रमण गरेको चितवन राष्ट्रिय निकुञ्जले जनाएको छ ।

Facebook Comments Box