रविलाई कास्कीमै थप १० दिन थुना

न्यूज आज

काठमाडौं । सहकारी ठगी मुद्दामा पूर्व उपप्रधान तथा गृहमन्त्री रवि लामिछानेको संलग्नतावारे अनुसन्धान गरिरहेको कास्की प्रहरीले थप १० दिनसम्म थुनामा राख्न पाउने भएको छ ।

प्रहरीले २५ दिन थुनामा राख्न म्याद माग्दा जिल्ला अदालतबाट १० दिन पाएको हो । कात्तिक १५ देखि गणना हुनेगरी अदालतले प्रहरीलाई अनुसन्धान गर्न थप समय दिएको कास्की जिल्ला अदालतका सूचना अधिकारी सुरज अधिकारीले जानकारी दिए ।

लामिछानेलाई थुनामा राख्न अदालतबाट यो तेस्रो पटक म्याद थप गरिएको हो । पहिलो पटक अदालतबाट ६ दिन थुनामा राखेर अनुसन्धान गर्न म्याद पाएको प्रहरीले दोस्रो पटक ७ दिन र तेस्रो पटक मंगलबार १० दिनको म्याद पाएको हो ।

पूर्व गृहमन्त्री लामिछाने कात्तिक २ गते काठमाडौंबाट पक्राउ परेका थिए ।

Facebook Comments Box