बौधीमाई ट्रष्टमा शर्मा

जनकपुरधाम । जनकपुरधाम उपमहानगरपालिका –९ स्थित बौधीमाई मन्दिर ट्रष्टको अध्यक्ष पदमा स्थानीय सुरेश शर्मा (ठाकुर) निर्वाचित भएका छन् ।

ट्रष्टको प्रथम सधारणसभाबाट शर्मालाई अध्यक्ष पदमा सर्वसहमतिले निर्वाचित गरिएको हो । वर्षौदेखि पूजा समितिको भरमा चलिरहेको बौधीमाई मन्दिरको व्यवस्थापनका लागि एक वर्ष अघि ट्रष्ट स्थापना स्थापना गरिएको थियो ।

वडा अध्यक्ष परमेश्वर साहको प्रमुख आतिथ्यमा आयोजित सधारणसभामा स्थानीय समुदायको सहभागिता थियो । मन्दिर व्यवस्थापनका लागि शर्माको नेतृत्वमा ११ सदस्यीय नेतृत्व चयन गरिएको हो ।

समितिको उपाध्यक्षमा सन्तोष कुमार साह र अञ्जु कुमारी साह, सचिव अकुल प्रसाद साह, सहसचिव अनिल प्रसाद साह, कोषाध्यक्ष बलिराम साह र सदस्यहरु राजकुमार श्रीवास्तव, रमेश कुमार कर्ण, संजय कुमार यादव, छठियाकुमारी साह, रामललित शर्मालाई चयन गरिएको हो ।