मधेश र कोशीमा भारी वर्षाको सम्भावना

२० भदौ । आज मधेश र कोशी प्रदेशमा भारी वर्षाको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।

यतिबेला देशभर आंशिकदेखि सधारणतया मौसम बदली रहेको महाशाखाले जारी गरेको मौसम बुलेटिनमा छ ।

मधेश, कोशी, गण्डकी र लुम्बिनी प्रदेशका केही स्थान तथा बाँकी प्रदेशको थोरै स्थानमा मेघ गर्जन, चट्याङसहित वर्षा भइरहेको छ । मधेश र कोशी प्रदेशको केही स्थानमा आज भारी वर्षाको सम्भावना रहेको महाशाखाले जनाएको छ ।