मिर्चैयामा कामदारकाे टहरामा आगलागी (भिडियाे सहित)

मिर्चैया। सिरहाको मिर्चैयामा आगलागी हुँदा करिब ३ लाख ६५ हजार रुपैयाँ बराबरको क्षति भएको छ । सिरहादेखि कल्याणपुर जाने बाटो निर्माणका लागि परिचालित कामदारहरुलाई बस्न बनाइएको टहरामा आगलागी भएको हो ।

खाना पकाउने ग्यास लिक भएर आगलागी भएको इलाका प्रहरी कार्यालय मिर्चैयाले न्यूजआजलाई जानकारी दियो । बुधबार दिउँसो १२ लागेको आगो १ बजे नियन्त्रणमा आएको प्रहरीले जनाएको छ ।

खाद्यान्न, लत्ताकपडा तथा जोगाएर राखेको पैसा समेत जलेर खरानी भएपछि मजदुरहरुलाई विजोग भएको छ ।

भिडियो सौजन्यः सन्त महासेठ /फेसबुक