नेपाली कांग्रेसका नेता डा. शेखर कोइराला जनकपुरमा

जनकपुरधाम । नेपाली कांग्रेसका नेता डा. शेखर कोइराला जनकपुरधाम आएका छन् । नेपाली कांग्रेस पार्टीको विभिन्न कार्यक्रममा सहभागिताका लागि उनी जनकपुरधाम आइपुगेका हुन् ।

उनी आएसँगै जनकपुरकाे विमानस्थलमा कांग्रेस धनुषाका नेता तथा कार्यक्रताहरुले उनलाई स्वागत गरेका छन् । विमानस्थलमा उनले संचारकर्मीसँग बोल्दै नेपाली कांग्रेसले घर फिर्ता अभियान चलाएर विभिन्न दल तर्फ लागेकाहरुलाई पनि फर्काइने बताए ।

साथै काेइरालाले भने, ‘ पार्टीकाे आकर्षण बढाउन अग्रसरता देखाउनु सबै लाग्नपर्छ ।’ उनले नेपाली कांग्रेसको जनकपुरधाम स्थित पार्टी कार्यालयमा कार्यक्रताहरु संग भेटघाट गर्ने कार्यक्रम रहेकाे एक नेताले जनाएका छन् ।