धनुषाका एक वडा अध्यक्षको मृत्यु

न्यूज आज

जनकपुरधाम । धनुषाधाम नगरपालिका वडा नं. १ का वडा अध्यक्ष विश्वनाथ यादवको मृत्यु भएको छ । क्यान्सर रोगले ग्रस्त अध्यक्ष यादवको बिहीबार बिहान ६ः१० बजे घरमै मृत्यु भएको परिवारजनले जनाएको छ ।

पेटभित्र आन्द्रामा क्यान्सर रहेको उनको उपचार पहिलदेखि भइरहेको थियो । नियमित औषधि लिइरहेका उनले वडाका दैनिक कार्यसम्पादन गर्दागर्दै बिहीबार बिहान अचानक मृत्यु भएको जनाइएको छ । यादवको परिवारमा श्रीमति, एक छोरा र दुई छोरी छन् ।

धनुषाधाम नगरपालिका –१, काशीपुर घर भएका यादवको पार्थिव शरीरलाई दिउँसो धनुषाधाम वन क्षेत्रमा दाहसंस्कार गर्ने तयारी भइरहेको नगर प्रमुख बालेश्वर मण्डलले जानकारी दिए ।

Facebook Comments Box