मधेश प्रदेशको मुख्यमन्त्रीमा जनमतको सिंहको दाबी पेस
जनकपुरधाम । मधेश प्रदेशको मुख्यमन्त्रीका लागि जनमत पार्टीका सांसद सतिश कुमार सिंहको दाबी पेस भएको छ ।
नेकपा एमालेका २४, जनमतका १३, नेकपा माओवादी केन्द्रका ९, नेकपा एसका ७, नागरिक उन्मुक्ति पार्टीका १ र नेपाल संघीय समाजवादी पार्टीको १ गरी कुल ५५ प्रदेश सभा सदस्यको समर्थनमा शुक्रबार सिंहलाई मुख्यमन्त्री नियुक्त गर्न दाबी पेस भएको हो ।
६ वटा दल प्रदेशसभा सदस्यहरुले मधेश प्रदेशका प्रदेश प्रमुख सुमित्रा सुवेदी भण्डारीलाई नेपालको संविधानको धारा १६८ को उपधारा (२) बमोजिम मधेश प्रदेशको मुख्यमन्त्री पदमा सिंहलाई नियुक्त गर्न दाबी पेस गरेका छन् ।
जनता समाजवादी पार्टी (जसपा)नेपाल नेतृत्वका मुख्यमन्त्री सरोजकुमार यादवले बुधबार प्रदेश सभाबाट विश्वासको मत नपाएपछि प्रदेश प्रमुख सुमित्रा सुवेदी भण्डारीले नयाँ सरकार गठनका लागि दलहरूलाई दाबी पेस गर्न आह्वान गरेको थियो ।
